14/09/2015 19:53

Novenna to Blessed Peter ToRot - Day 6

Singsing: Pita ToRot;

Pre long Blessed Pita ToRot
Rit 1Pita 4:12-19

Hettok: Yumi ken amamas long karim pen olsem Krais

Ol brata tru, wanpela traim olsem paia i wok long kamap long yupela. Tasol yupela i no ken kirap nogut na ting narakain samting tru i kamap long yupela. Nogat. Long dispela traim yupela i karim pen olsem Krais i karim. Olsem na yupela i mas amamas. Na taim biknem bilong Krais i kamap ples klia, bai yupela i inap long  amamas moa na belgut tru. Yupela i holim nem bilong Krais, na sapos long dispel ol i tok nogut long yupela, orait yupela i ken amamas. Long wanem, yupela i save, Spirit bilong God, em Spirit i gat biknem na strong, em i stap long yupela. Yupela i mas lukaut, nogut ol i givim pen long yupela bikos yupela i kilim man i dai o yupela i stilim ol samtig o mekim ol narapla pasin nogut i paulim wok bilong ol narapla. Tasol sapos man i Kristen, na long dispela as em i karim pen. Orait em i no ken sem. Nogat em i mas amamas long dispela nem Kristen, na litimapim nem bilong God. Taim bilong God i kirapim kot long yumi ol lain bilong em yet, dispela taim i kamap pinis. Na sapos kot i stat long yumi pastaim, orait bai i pinis olsem wanem long ol man ol i save sakim Gutnius bilong God? Buk bilong God i tok olsem, “Sapos i hat tru long kisim bek ol stretpela  man, orait olsem wanem long ol man ol i save givim baksait long God na mekim sin? Olsem na sapos long laik bilong God sampela man i mas karim pen, orait dispela ol man i mas putim laip bilong ol long han bilong God na mekim ol gutpela pasin tasol. God i wokim yumi, na oltaim em i save lukautim yumi gut tru.

Dispela em i tok bilong God.                                            Yumi tenkim God.

Bekim: God, klinim tru bel bilong mi.

Pre: Bikpela, marimari long mi. Bikpela, sori bilong yu i mas tekewe olgeta sin bilong mi. Wasim mi gut tru, na tekewe olgeta rong bilong mi.
Bekim.

Pre: God klinim tru bel bilong mi, putim nupela spirit insait long mi. Yu no ken rausim mi i go longwe long yu. Yu no ken tekewe Holi Spirit bilong yu long mi.
Bekim.

Pre bilong ol pipel (nau ol pipel i autim ol petition bilong ol.)

Singsing:

Namba 1 hap korona: Jisas i kirap long indai.

Tingting i go pas: Jisas i soim yumi, dai i no pinis bilong man. Dispela bodi tasol i dai na i go bek long graun. Tasol God i makim yumi long laip bilong oltaim. Taim yumi sik or taim yumi lapun na yumi dai bai dai i no pinis bilong yumi. Olsem olgeta samting yumi mekim long laip bilong yumi i mas kamap olsem wanpela step long rot bilong yumi go long God.

Singsing:

—————

Back